O Liceo de Ourense continuou hoxe coa programación do ‘‘Ciclo recordando a…’’ personaxes da nosa cidade e provincia, nesta ocasión para lembrar unha das personalidades máis importantes na xinecólixia ourensá,o Dr. Manuel Peña Rey. O acto que tivo lugar no Salón Noble da Entidade, hoxe 30 de maio; contou coa participación unha mesa para falar do noso homenaxeado de David Simón; Julio Prada;José Luis Doval; Manuel Peña-Rey. Presentou o acto Xabier Casares, presidente do Liceo. Ademáis aportou a parte musical coa súa interpretación o piano José Luis Fernández Carnicero.
Manuel Peña Rey, naceu en San Xurxo de Sacos (Cerdedo-Cotobade). Estudou o bachelerato en Pontevedra. Licenciouse en Mediciña na Universidade de Santiago de Compostela en 1915. Especializouse en en xinecoloxia. Estableceuse en Ourense en 1918, onde abriu en 1922 o primeiro sanatorio da provincia. Durante a segunda república foi director do Hospital Provincial, e Presidente do Colexio de Médicos. Casou en Viascón con Celia Bouzas Barreiro en 1912, e foi pai de María Esther, Marina, Celia, María de los Ángeles e Manuel. Militante galeguista, chegou a presidir o Partido Nacionalista Republicano de Ourense. Fixo campaña pola Fronte Popular nas eleccións de 1936. Logo do golpe de Estado do 18 de xullo foi destituido. Estivo encarcerado no Carballiño, e tardou máis de oito anos en ser rehabilitado. Morreu en Ourense o 30 de abril de 1957.
