Presentación do libro de Xavier Castro: Hª da vida cotiá en Galicia, séculos XIX e XX

A xeito de tertulia, presentación do libro de Xavier Castro: Hª da vida cotiá en Galicia, séculos XIX e XX (Premio de Investigación Xesús Ferro Couselo), editado por Galaxia. A conversa versará sobre a vida cotiá en Ourense (especialmente no tempo de Nadal), abordando os cambios acontecidos dende o século pasado. Acompañaran ao autor: a xornalista Maribel Outeiriño e o Presidente da Fundación Otero Pedrayo, Juan Saco.

   A historia de Galicia non é só a das grandes datas, peripecias importantes e persoeiros de postín. É tamén a da sociedade, a de toda a xente noso país, que vive e traballa dunha determinada maneira. Trátase de completar a historia en maiúsculas de Galicia, que xa é coñecida, coa historia en minúsculas de todos os galeg@s, de toda a xente, na súa existencia de todolos días. Neste libro que ven de publicar a editorial Galaxia, cóntase a historia que viviron as mulleres e os homes de Galicia tremando de frío.