Luxo… Luxo .. e máis luxo… Esta tarde de venres 29 de maio o escenario do Salón Noble do Liceo sonou a blues nas voces e guitarras de Jeff Espinoza e Ramón Arroyo, o dúo Roadrunners. Un verdadeiro pracer acollelos na nosa casa, moitas gracias.
Un duo cuxo repertorio está influenciado polo que hoxe en día se denomina xenericamente ”Americana”, é dicir, música estadounidense con raíces, que abarca desde o blues rural, o bluegrass de influencia irlandesa, o folk, o country , o swing e demais estilos de cuxa fusión naceu a música popular que máis se escoita hoxe en día. Desde versións de Bob Dylan ou B.B. King a temas propios, Jeff e Ramón levan tocando xuntos máis de trinta anos, desde que se coñeceron. Este verán tiveron a honra de abrir o concerto de Jackson Browne en Madrid.
