O Colexio Concepción Arenal de Ourense organiza un acto de homenaxe á avogada e escritora Concepción Arenal que se vai desenvolver o xoves, día 31 de xaneiro, no Liceo de Ourense. Será a partir das 19.00 horas.

O evento será presentado pola avogada Victoria Eugenia Diéguez e, no seu transcurso, proxectarase a película: Concepción Arenal. Visitadora de cárceres.

A mediados do século XIX, Concepción Arenal traballou como visitadora de cárceres na prisión de mulleres da Coruña, o que daría froito a algunhas das súas obras clave. Os seus escritos servirían de base para a reforma do sistema penitenciario en España. Esta época é a que aborda a película Concepción Arenal. Visitadora de cárceres, que protagoniza a actriz Blanca Portillo.