Onte o profesor, investigador e crítico literario Ramón Nicolás presentou no Salón Noble do Liceo, FRANCISCO FERNÁNDEZ DEL RIEGO VIDA E OBRA DUN OBREIRO DO GALEGUISMO, acompañado polo tamén profesor e coordinador da sección de literatura do Liceo Delfín Caseiro.
Unha biografía divulgativa sobre Francisco Fernández del Riego, autor das Letras Galegas 2023. Un libro para entender que sucedeu no galeguismo e na cultura galega do século XX.A historia dunha persoa honesta e comprometida.
Del Riego era partidario da policromía da vida e das mil pequenas cousas da existencia diaria que, no fondo, nos definen. Nelas estaba –e está– a temperatura afectiva de Fernández del Riego, a súa cálida humanidade, a súa apertura vital e a súa recoñecida ductilidade. […] Con ou sen Cosme, o seu labor na prensa, na de aquí e na da diáspora, constitúe, neses rimeiros anos, a crónica precisa das distintas manifestacións do noso renacente discurso literario e do cautelosísimo galeguismo desas dificilísimas datas. […] a biografía moral e intelectual de Francisco Fernández del Riego é xa un capítulo moi importante do noso patrimonio espiritual.
