RESUMEN ACTIVIDADES 2020

Abraham Cupeiro coa súa viaxe a través das músicas de Pangea, o seu último  album.

Sorprendente Abraham Cupeiro coa súa viaxe a través das músicas de Pangea, o seu último  album.

Nun coloquio dunha hora aproximada no que o compositor, intérprete e recuperador de instrumentos antigos afondou nas raíces dos sons do mundo. Incidiu nos diferentes instrumentos empregados en cada unha das cancións do álbum, propoñéndonos un percorrido global pola única linguaxe universal: a música.

Un percorrido conectando continentes e océanos a través da música. Instrumentos e sons do pasado dialogan entre sí evocando culturas e paisaxes cercanos e lonxanos, unidos polo aire. O mesmo que transporta á única linguaxe universal: a música. O único que pode unirnos para frear a desolación do planeta, en tempos onde as distancias se sinten mais ca nunca.

Pangea foi gravado en 2019 coa Royal Philharmonic de Londres nos estudos Abbey Road, saíndo á luz en setembro de 2020 baixo o selo Warner Classics.

Moitas gracias por vir e mostrarnos o teu traballo desta forma tan xenerosa, e moitas gracias a todos os que quixestedes  acompañarnos.

 

Presentación do libro «Tostado. El vino noble de Galicia»

Na tardiña de hoxe presentouse no Liceo o libro : «Tostado. El vino noble de Galicia», a cargo do seu autor,  Xavier Castro, e de Ana Méndez,  Responsable de Bodegas Campante, que elabora o Tostado Alma de Reboreda, quénes fixeron un amplo percorrido pola historia deste tesouro.

 

O viño tostado galego é realmente o mellor desta Terra. Un libro do historiador Xavier Castro que desvela o auténtico tesouro que temos en Galicia. Trátase dun dos mellores viños de Europa. Tostado. El vino noble de Galicia é un relato documentado e ameno da súa historia cultural.

O lector atopará neste libro un ensaio escrito con amenidade, sobre un produto moi singular, de profundo arraigo na terra, que máis que un viño é unha promesa de pracer. O Tostado galego, elaborado lentamente cos mellores racimos de treixadura, é un viño naturalmente doce, que se obtén por sobremaduración da uva, do mesmo xeito que o Tokay, o seu parente húngaro e o Sauternes francés (pasificada como eles, pero sen recurso á botritis) que conforman, de xeito claro, a terna dos mellores viños de Occidente. Delicado, amable e á vez rexo (arredor dos 15 grados) constitúe o tipo de elixir que Xulio Camba recomendaba para o acompañamiento da repostaría. Tamén para facer máis grata a conversa da sobremesa, posto que a palabra remollada en bo viño mellora apreciablemente. Trátase aquí do nobre produto que máis felicidade per cápita produciu no país.

O tostado é o gran aristócrata dos viños galegos, o primus inter pares dos caldos máis logrados, que, como toda aristocracia orteguiana xenuina, componse de moi poucos membros. Foi o gran viño dos pazos señoriales, nos que residía a fidalguía galega e tamén dos campesiños viticultores que traballaron a terra gozando dun relativo acomodo. Era o viño reservado para as grandes celebracións e para agasallar aos invitados de nota nos pazos blasonados, nas rectorais dos abades que dispoñían de bos dextros e de ben coidados viñedos e tamén nas casas dos colleiteiros acomodados, con ancha facenda e lareiras de boa sillería.

Este libro refire a historia dun tesouro teimudamente agochado, non nunha remota illa perdida no Pacífico, senón no arquipélago politeísta e múltiple conformado de madeira e pedra, de vetustas doias de barrica e adegas de granito telúrico. Xa saben que as cousas importantes escóndense, non no fondo do vaso, onde Valle-Inclán situaba o segredo do esperpento, senón na dourada superficie dun excelso viño en que se mergulla o beizo na procura dun pracer orixinal. Benvidos ao mosaico dun pequeno universo de modestos pero moi sabios artesáns e ancestrais colleiteiros da terra medieval do Ribeiro.

Conferencia de Fernando Román Alonso, co titulo ‘‘Arturo Noguerol e a Xeración Nós’’

Moi interesante Conferencia que impartiu Fernando Román Alonso, co titulo ‘‘Arturo Noguerol e a Xeración Nós’’,  no serán de hoxe no Salón Noble do Liceo, o amigo e Socio do Liceo Fernándo Román fixo un percorrido pola vida e a obra de Arturo Noguerol o que ten moi estudiado, e revindica como un persoeiros máis importantes da literatura e da cultural ourensá.

A presentación correu a cargo do Presidente do Liceo Xabier Casares.

Queremos agradecerlle moi sinceiramente esta completa disertación o amigo Fernando Román. Tamén o noso agradecemento pola selección de fotos coa que agasallou a todos os asistentes e que tamén reproducimos eiquí.

Conferencia de Afonso Vázquez-Monxardin : ‘‘A revista Nós e Ourense’’

Extraordinaria a Conferencia que impartiu Afonso Vázquez-Monxardin Fernández, co titulo ‘‘A revista Nós e Ourense’’ ,  no serán de hoxe no Salón Noble do Liceo, o profesor, amigo e Socio do Liceo Afonso Monxardín  fixo un percorrido coa Revista Nós polos persoeiros que a crearon, que escribiron, que divulgaron, moitos deles Socios do Liceo tamén, e que neste mesmo Salón Noble impartiron un bo número conferencias. Así estiveron «presentes» onte no Liceo, Vicente Risco, Otero Pedrayo, Florentino Cuevillas, Arturo Noguerol, Xoaquín Lorenzo «Xocas», Castelao, etc.  En definitiva unha visión moi completa na disertación do profesor Monxardín, a quen agradecemos moito a súa colaboración permanente la vida cultural da cidade de Ourense en xeral e do Liceo en particular.

A presentación correu a cargo do Presidente do Liceo Xabier Casares.

 

 

CONCIERTAZO DE RED HOUSE… JEFF ESPINOZA & FRANCISCO SIMÓN.

CONCIERTAZO DE JEFF ESPINOZA Y FRANCISCO SIMÓN – RED HOUSE- HOY EN EL SALÓN NOBLE DEL LICEO, LUJO PARA TODOS LOS ASISTENTES QUE AGOTARON EL AFORO PERMITIDO, LUJO QUE SE REPITE AÑO TRAS AÑO EN EL LICEO, GRACIAS JEFF, GRACIAS SIMÓN, Y GRACIAS A TODOS LOS QUE ACUDISTÉIS.

ACTUACIÓN DA ASOCIACIÓN XACARANDAINA NO LICEO

Moi interesante proposa a da Asociación Cultural Xacarandaina no Liceo de Ourense esta mañá, que fixo as delícias do público asistente.

Esta actividade levouse a cabo o amparo do «Plan de reactivación dos sectores cultural e turístico fronte aos efectos da COVID-19″, da Consellería de Cultura e Turismo, Secretaría Xeral de Política Lingüistica, da Xunta de Galicia», a quen lle queremos dar a gracias polo seu apoio a cultura.


CICLO RECORDANDO A… MARCOS VALCARCEL.

(Foto blog Celso Delgado).

Dentro da programación do ‘‘Ciclo recordando a…’’ personaxes da nosa cidade e provincia, que organiza a nosa Entidade, nesta ocasión quiexemon lembrar a Marcos Válcarcel López, dez anos despois do seu pasamento, Socio de Honra do Liceo, Historiador, activisca cultural, profesor, etc.

O acto tivo lugar no Salón Noble da Entidade, e nel participaron José Luis Troitiña, quen fixo un percorrido moi persoal e vital pola la vida conxunta con Marcos Valcárcel, Sechu Pastoriza, Director de «La Región», con una exposición da etapa do noso Marcos como columnista e colaborador do xornal local, para rematar Afonso Vázquez-Monxardin, que nos fixo un percorrido pola vida de Marcos Valcárcel López, intercaldo con textos do Libro dos Amigos.

O acto abriuse e pechouse coa intrepretación musical o piano a cargo de José Luis Fernández-Carnicero.

Deixamos a gravación completa do acto:

Concerto: Emilio Rúa » Lendas e Cantares»

Na tardiña de hoxe Emilio Rúa volveu o Liceo de Ourense  para facer un adianto do que será o seu novo traballo con un disco de 30 lendas, ademáis pasou polas súas cancións máis coñecidas e algúns dos poemas que forman parte do seu repertorio.

Esta actividade levouse a cabo o amparo do «Plan de reactivación dos sectores cultural e turístico fronte aos efectos da COVID-19″, da Consellería de Cultura e Turismo, Secretaría Xeral de Política Lingüistica, da Xunta de Galicia», a quen lle queremos dar a gracias polo seu apoio a cultura.

Esta actividade levouse a cabo con todas as medidas e os  aforos derivados do Covid-19. Gracias a todos os que acudistes, e todos aqueles, que foron moitos que quedaron sen sitio.

I FORO CARLOS VELO. FUNDACIÓN CARLOS VELO.

A Fundación Carlos Velo e o Liceo de Ourense organizaron o I FORO CARLOS VELO, cun ciclo de cine e un coloquio con cada unha das películas proxectadas.

O Ciclo foi presentado por Xabier Casares, no primerio día, para despois facer o pase das curtas ‘‘La ciudad y el campo’’ e ‘‘Felipe II y el Escorial’’. Coloquio moderado por Miguel Anxo Fernández.

O Segundo día a presentación foi a cargo de Xosé Ramón Pousa, decano da Facultade de Comunicación Audiovisual de Santiago de Compostela, para presentar a proxección de “Torero”. Estivo acompañado de Armando González, ámbolos dous membros da Fundación Carlos Velo.

O terceiro día foi o pase da longametraxe de ‘‘Pedro Páramo’’ . Coloquio foi moderado por Xosé Manoel Rodríguez.

Coa proxección de “Vieiros”, de Laura Gárdos Velo, clausuramos o primeiro Foro Carlos Velo. Unha iniciativa desenvolvida dentro do convenio de colaboración asinado polo Liceo de Ourense e a Fundación. Para presentar a sesión e guiar o posterior coloquio contouse coa presenza de Armando González, membro da Fundación Carlos Velo, e unha das persoas vencelladas ao proxecto de “Vieiros” na rodaxe da parte galega da obra. El compartiu con Laura Gárdos e co seu equipo de rodaxe moitas horas de inquedanzas e esforzos. E sobre esa experiencia, entre outros aspectos, falou na xornada de clausura do foro.